هذا وطنا كنه الوالد البار = يعطي ولا يبخل علينا بخيره
يضمنا مادامنا تونا صغار = وليا كبرنا يبي منا البريره
حب الوطن ماهي سواليف سمسار = نحميه من كل الوجيه الشريره
نفديه بكل اعمارنا صغار وكبار = هو مدفع الهاون وحنا الذخيره
موطن رسول للهدى كله انوار = هو قبله الاسلام وارض الجزيره
شعاره التوحيد مع سيف بتار = حنا على الغادر سيوفا شطيره
ياموطني حكم الشريعه لك شعار = واللي حكم باشرع الله يجيره
مدينه الرسول والبيت والغار = اطهر ثراء بالكوره المستديره
حب الوطن مثل الهواء ماله اسعار = اشم حبه وانتشي من عبيره
حنا له دروعا ولحدوده اسوار = في ضل ابو متعب عيونن سهيره
رد: الوطن في قلوب شعراء الفجر,,,
