دعاة السلام

اخواني القائمين على منتديات الفجر
امسي عليكم بالخير
هذه المشاركه اعيدها لكم ثاني مره بعد ماحصل خلل فني في الموقع
ولم اجدها واعيدها لكم مره اخرى
وتحياتي




مجاراة للشاعرالكبير/حمود بن عبيد ال بريك

ولي الشرف اني اجاري شاعر بحجم حمود ال بريك

ياحمود ياحمود نور الحق يجلى الظلام=واللي تغنيبها مثلك نغنيبها

ان كان جوك من الايام فوقه غتام=دنياك من كل صوب عاويٍ ذيبها

نشكرك ونقدرك ونشاركك باهتمام=لو كان تخطي بعض لاهداف وتصيبها

لو للشعر محكمه يعمل بها واحتكام=يمديك تصبحبها والا تمسيبها

لكن عذوق النخل لا كثر فيها الصرام=كل على طاري العيشه ينويبها

ابيك ترفع مقامك ياعزيز المقام=والناس بسيوفها والا مشاعيبها

خلك مع الصف الاول في صلاة القيام=مانته وكيل الاوادم ويش تبغيبها

اليا حفظت الفرايض كلها والصيام=حلاوة الروح حالت دون تعصيبها

لاتندفع فالبدايه تنصدم بالختام=ام الكباير تشيل السم في جيبها

المعتصم راح وقته يازمن الاعتصام=اكثر وصول المبادي تم تهريبها

على خدود العذارى مايليق الوشام=الطرف الاحور دموعه كيف تصخيبها

عان الضمايا على هداج تيما حيام=من قلة الغيث يابسة مشاريبها

واكثر وفايا الحوادث سرعة الاصتدام=ياقاري الصحف وعيونك تغفيبها

كب الشجاعه وخلك من دعاة السلام=اهل الشجاعه كلت لاوغاد اشانيبها

خلك على ذمة اصحابك وتبقى تمام=والنار لاعاد تلحق في مشاهيبها

كم صحوة ماصحت منها قلوب النيام=حتى يصلى عليها في محاريبها

بعض البشر لا لقى خبزه يقول اليدام=والحيل فوق الصحون يقول ماليبها

يلعب على الريح لامن هز غصن البشام=ويغوص فالغبه الزرقا غياهيبها

يعود بالذاكره لاحد سن الفطام=ويصفر الذاكره عنده ويبديبها

لامرته فرصتٍ مايغتنمها اغتنام=الين تدعي ضيوف الله معازيبها

الشاعر/هايف العطاوي

هايف

صح كلك ياهيف الابداع لايستغرب على اهله

لك خااااااااااالص تحياتي

صح لساانكــ هاايف ...

حياك الله من جديد يا هايف ..

نص جميل ومجاراة اكثر من رائعه ..

صح لسانك ولسان ال بريك .

لك ودي وتقديري .

صح لسانك يالجزل,

شاعر جزل وتجاري شاعر جزل,

لاهنت

مجاراة اكثر من راااااائعه
الف صح لساااانك وعلا شانك